कोरोना संक्रमणका कारण रामपुर नगरपालिका– ७ का एक पुरुषको निधन भएको छ । ४४ वर्षीय ती पुरुष पाल्पाको लुम्बिनी मेडिकल कलेज प्रभासमा उपचाररत थिए ।
गत ५ कात्तिकमा कोरोना पुष्टि भएपछि मेडिकल कलेजको आइसोलेसनमा केही दिन उपचार गरी उनी आइतबार घर फर्किएका थिए ।
पुनः सोमबार स्वास्थ्यमा समस्या देखिएपछि उनलाई गएराति १ बजे मेडिकल कलेजमै भर्ना गरिएको थियो ।
उनको उपचारको क्रममा मंगलबार बिहान ८ः४५ बजे निधन भएको स्वास्थ्य कार्यालय पाल्पाका सूचना अधिकारी ओमप्रकाश पन्थीले जानकारी दिए ।
उनको निधन भएसँगै कोरोना संक्रमणका कारण पाल्पामा मृत्यु हुनेको संख्या ११ पुगेको छ ।
