पछिल्लो २४ घन्टामा देशभर थप एक हजार ८१ जना नयाँ कोरोना संक्रमित थपिएका छन् ।
बुधबार थप भएकोसमेत देशभर संक्रमितको संख्या ४९ हजार दुई सय १९ पुगेको छ ।
यो अवधिमा ११ हजार एक सय ६७ जनाको नमुना पिसिआर विधिबाट परीक्षण गरिएको स्वास्थ्य तथा जनसंख्या मन्त्रालयले जनाएको छ ।
विगत २४ घन्टामा नौ सय १८ जना संक्रमणमुक्त भई डिस्चार्ज भएका छन् ।
संक्रमण निको हुनेको संख्या ३३ हजार आठ सय ८२पुगेको छ ।
संक्रमणमुक्त हुने दर बुधबार ६८.८ प्रतिशत पुगेको मन्त्रालयका प्रवक्ता डा. जागेश्वर गौतमले बताए ।
हाल सक्रिय संक्रमित १५ हजार २५ जना छन् । त्यसमध्ये सात हजार नौ सयजना संस्थागत र हजारजना होम आइसोलेसनमा रहेको मन्त्रालयले जनाएको छ ।
गौतमका अनुसार संक्रमितमध्ये एक सय ६२ जनाको आइसियूमा र २२ जनाको भेन्टिलेटरमा उपचार भइरहेको मन्त्रालयले जनाएको छ ।
See More On
