कोरोना संक्रमणबाट थप नौजनाको मृत्यु भएको छ ।
मृत्यु हुनेमा सात पुरुष र दुईजना महिला छन् ।
स्वास्थ्य तथा जनसंख्या मन्त्रालयका अनुसार मोरङकी ६४ वर्षीया र झापाकी ४५ वर्षीया महिलाको संक्रमणबाट मृत्यु भएको हो ।
त्यसैगरी मृत्यु हुने पुरुषमा काठमाडौंका तीनजना छन् । काठमाडौंका ६८, ७४ र ८४ वर्षीय पुरुषको मृत्यु भएको मन्त्रालयका प्रवक्ता डा. जागेश्वर गौतमले बताए ।
मोरङका ४५ वर्षीय, पर्साका ७७ वर्षीय, धनुषाका ३५ वर्षीय र चितवनका ७० वर्षीय पुरुषको मृत्यु भएको मन्त्रालयले जनाएको छ ।
याेसमेत नेपालमा संक्रमणबाट हालसम्म मृत्यु हुनेकाे संख्या दुई सय ८९ पुगेकाे छ ।
