कोरोना संक्रमण भएका थप १४ जनाको निधन भएको छ ।
योसँगै हालसम्म नेपालमा संक्रमणबाट मृत्यु हुनेको संख्या दुई सय ७१ पुगेको छ ।
मृत्यु हुनेमा चार महिला र १० जना पुरुष रहेको स्वास्थ्य तथा जनसंख्या मन्त्रालयका प्रवक्ता डा. जागेश्वर गौतमले बताए ।
मृत्यु हुने महिलामा तीनजना काठमाडौंका छन् । मन्त्रालयका अनुसार काठमाडौंका ८२, ६७ र २२ वर्षीया र चितवनकी ३५ वर्षीया महिलाको मृत्यु भएको हो ।
त्यसैगरी सप्तरीका दुईजना ५५ वर्षीय, धनुषाका ६५ वर्षीय, कास्कीका ३१ वर्षीय, नवलपरासीका ३७ वर्षीय, प्युठानका ५८ वर्षीय, रुपन्देहीका ७८ वर्षीय, पाल्पाका ६३ वर्षीय र सुर्खेतका ४२ वर्षीय पुरुषको निधन भएको गौतमले जानकारी दिए ।
