काठमाडौं। जेन–जी आन्दोलनका अगुवा किरण विकले नयाँ पत्रिकाकर्मी नवराज मैनालीलाई पक्राउ गर्ने सरकारी प्रयासको विरोध गरेका छन् ।
पत्रिकाको कार्यालयमा उपस्थित भएर प्रेस स्वतन्त्रतामाथिको हस्तक्षेपविरुद्ध ऐक्यबद्धता जनाउँदै विकले सरकारी प्रयासको विरोध गरेका हुन् ।
‘समाचार लेखेकै भरमा सञ्चारगृहमा फौज उतार्नु, पत्रकार पक्राउ गर्न खोज्नु आपत्तिजनक विषय हो, मैले यसलाई प्रहरीसिर्जित आतंककै रूपमा लिएको छु,’ उनले भने ।
नयाँ पत्रिकाजस्तो राज्य र जनताको पक्षमा निरन्तर खबरदारी गरिरहेको मिडियालाई घण्टाैँसम्म धरपकड गर्नु सही कदम नभएको विकको भनाइ थियो । उनले सम्पादक खगेन्द्र पन्तलाई मिडियाकर्मीको पक्षमा आफू रहेको र प्रहरी धरपकडको विरोधमा रहेको बताए । विक जेन–जी आन्दोलनमा अगुवाइ गर्नेमध्येका एक युवा हुन् ।
