सुनचाँदीको मूल्य बढ्यो

नेपाली बजारमा सोमबार सुनचाँदीको मूल्य बढेको छ ।

तोलामा ३४ सय रुपैयाँले बढेर आज प्रतितोला दुई लाख ६१ हजार सात सय रुपैयाँमा कारोबार भइरहेको नेपाल सुनचाँदी व्यवसायी महासंघले जनाएको छ । आइतबार भने सुन प्रतितोला दुई लाख ५८ हजार तीन सय रुपैयाँमा कारोबार भएको थियो ।

यस्तै, चाँदीको मूल्य पनि बढेको छ । १३० रुपैयाँले बढेर आज प्रतितोलामा चार हजार २३५ रुपैयाँमा कारोबार भइरहेको छ । आइतबार प्रतितोला ४ हजार १०५ रुपैयाँमा कारोबार भएको थियो ।