- वि.सं २o७९ श्रावण १७ मंगलबार
तेह्रथुममा आफ्नै छोराको कुटपिटबाट बाबुको मृत्यु भएको छ । तेह्रथुमको छथर गाउँपालिका– ५ ठकुरी टोलका २४ वर्षीय छोरो टंक भण्डारीको कुटपिटबाट ५३ वर्षीय भक्तबहादुर भण्डारीको मंगलबार बिहान मृत्यु भएको हो ।
प्रदेश १ प्रहरीले तेह्रथुम प्रहरीको सूचनाका आधारमा दिएको जानकारीअनुसार बाबुछोराको विवादपछि छोरा टंक भण्डारीले धान कुट्ने मुसल अचानक बुबाको टाउकोमा प्रहार गरेका थिए । मुसल प्रहारले घाइते उनको स्थानीय छथर अस्पतालमा उपचारको क्रममा मृत्यु भएको हो ।
बुबाको हत्या गर्ने छोरा टंक फरार रहेकाले खोजतलास भइरहेको प्रहरीले जनाएको छ ।
