निर्वाचनमुख्य समाचारफ्रन्ट पेजसमाचारदृष्टिकोणअर्थअन्तर्वार्तामल्टिमिडियापन्ध्रौं वार्षिकोत्सव विशेषांकखेलकुदविश्वकोरोना अपडेटप्रवासकर्नर किकसम्पादकीय१३औँ वार्षिकोत्सव विशेषांकसाहित्यस्वास्थ्य र जीवनशैलीफिचरलाेकसेवा१४औँ वार्षिकोत्सव विशेषांकप्रेरक प्रसंगटर्निङ प्वाइन्ट्स-२०२२१२औँ वार्षिकोत्सव विशेषांकसप्तरंगटर्निङ प्वाइन्ट्स-२०२०टर्निङ प्वाइन्ट्स-२०१९प्रदेशब्लगEnglish
  • वि.सं २०७९ असोज १८ मंगलबार
  • Tuesday, 04 October, 2022
नयाँ पत्रिका काठमाडौं
२०७९ श्रावण ११ बुधबार १९:३०:००
Read Time : < 1 मिनेट
समाचार डिजिटल संस्करण

अमेरिकी सहायक विदेशमन्त्री नेपाल आउँदै

एसपिपी अस्वीकार गर्ने निर्णय गरेपछि सहायक विदेशमन्त्री भ्रमणमा, प्रधानमन्त्री र परराष्ट्रमन्त्रीसँग शुक्रबार भेटवार्ता 

Read Time : < 1 मिनेट
नयाँ पत्रिका, काठमाडौं
२०७९ श्रावण ११ बुधबार १९:३०:००

अमेरिकाको दक्षिण तथा मध्य एसियाली मामिलासम्बन्धी सहायक विदेशमन्त्री डोनाल्ड लू भोलि काठमाडौं आउने भएका छन् । छोटो तर नियमित औपचारिक भ्रमणका सिलसिलामा लू बिहीबार आइपुग्ने जानकारी आएको कूटनीतिक स्राेतले जानकारी दिएको छ । नेपालले ६ असारमा अमेरिकी स्टेट पार्टनरसिप प्रोग्राम (एसपिपी) अस्वीकार गर्ने निर्णय गरेपछि नेपाल आउन लागेका उनी पहिलो उच्च अमेरिकी अधिकारी हुन् । 

स्रोतका अनुसार लूले प्रधानमन्त्री शेरबहादुर देउवा र परराष्ट्रमन्त्री डा. नारायण खड्कासँग शुक्रबार भेटवार्ता गर्ने तय भएको छ । उनी शुक्रबारै फर्किने कार्यक्रम रहेको स्रोतले जनाएको छ । लूको भ्रमणबारे परराष्ट्र मन्त्रालयले औपचारिक रूपमा जानकारी भने दिएको छैन । परराष्ट्र मन्त्रालयका प्रवक्ता सेवा लम्सालले लूको भ्रमणबारे आफू पनि जानकार नरहेको प्रतिक्रिया दिइन् । ‘मैले पनि पत्रकारहरूबाटै थाहा पाएको हुँ । भ्रमणका विषयमा म कन्फर्म गर्न सक्दिनँ,’ लम्सालले नयाँ पत्रिकासँग भनिन् । 

आठ महिनाअघि १ मंसिरमा पनि लू काठमाडौं आएका थिए । संसदबाट मिलिनियम च्यालेन्ज कर्पोरेसन सम्झौता (एमसिसी प्याक्ट) फागुनमा पारित हुनुअघि लूले  प्रधानमन्त्री शेरबहादुर देउवा, एमाले अध्यक्ष केपी शर्मा ओली र माओवादी अध्यक्ष पुष्पकमल दाहाल प्रचण्डलाई  फोन गरेर पारित गर्न दबाब दिएका थिए ।