चन्दननाथलाई उपाधि

Read Time : < 1 मिनेट

नयाँ पत्रिका, जुम्ला

नयाँ पत्रिका

२o८१ बैशाख २३ आइतबार o८:४३:oo

१२ औँ राष्ट्रपति रनिङसिल्ड प्रतियोगिताको उपाधि चन्दननाथ नगरपालिकाले जितेको छ । जिल्ला खेलकुद विकास समिति जुम्लाले आयोजना गरेको प्रतियोगितामा हिमा गाउँपालिका द्धितीय भएको छ ।

समितिका सदस्यसचिव संगीता आचार्यका अनुसार प्रतियोगितामा विभिन्न विधा समावेश थिए । त्यसमध्ये सबैभन्दा बढी चन्दननाथ र दोस्रोमा हिमा गाउँपालिकाले उपाधि जितेको छ ।

हिमा गाउँपालिकाले यसपटक एथ्लेटिक्समा स्वर्ण हात पारेको छ भने मार्चपासमा पातारासी गाउँपालिका प्रथम भएको छ । यसैगरी पातारासीले पुरुष भलिबलमा जित हात पारेको छ भने द्धितीय स्थान कनकासुन्दरीले हासिल गरेको छ ।

#राष्ट्रपति रनिङसिल्ड