- वि.सं २o८१ बैशाख ३० आइतबार
एमालेको भातृ संगठन राष्ट्रिय युवा संघ नेपालले आकाशिदो महंगीविरुद्ध मसाल जुलुस प्रदर्शन गरेको छ । एमालेको जनसंगठन समन्वय संयन्त्रले महंगीविरुद्ध सडक र सदन दुवैतिर आन्दोलन चर्काउने निर्णय गरेको केही घन्टापछि युवा संघले मसाल जुलुस निकालेको हो ।
मसाल जुलुसअघि बिजुलीबजारमा आयोजित सभालाई सम्बोधन गर्दै संघका अध्यक्ष किरण पौडेलले ईम्बोष्ड नम्बर प्लेटमा भएको भ्रष्ट्राचार, महंगी र कालाबजारीविरुद्ध सुरु भएको आन्दोलनमा सरकारले दमन गरे देशव्यापी प्रतिरोध गर्ने चेतावनी दिए । उनले किसानले मल पाउने सुनिश्चिता र महंगी नियन्त्रण नभएसम्म सडकमा सरकारी सवारी साधन चल्न नदिने कार्यक्रम रहेको पनि बताए ।
