दाङको शान्तिनगर गाउँपालिका अध्यक्ष र उपाध्यक्षमा कांग्रेस विजयी भएको छ । कांग्रेसका प्रमोद बस्नेतले पाँच हजार सात सय १६ मत प्राप्त गरेर विजयी भएका छन् । एमालेका विष्णु केसी चार हजार पाँच सय २४ मत प्राप्त गरी पराजित भए । उनीहरूबीचको मतान्तरण एक हजार एक सय ९२ रहेकाे छ ।
यसैगरी, उपाध्यक्षमा कांग्रेसकी प्रेमा बुढाथोकीले पाँच हजार सात सय ५० मत ल्याएर विजयी भएकी छिन् । उनकी निकटतम् प्रतिद्वन्द्वी एमालेकी कमला भण्डारीले चार हजार २८ मत प्राप्त गरेकी छिन् ।
त्यस्तै, माओवादी केन्द्रका अध्यक्ष पदका उम्मेदवार मोहन वलीले दुई हजार सात सय ९४ मत ल्याएका छन् । उपाध्यक्ष राधिका परियारले तीन हजार ८० मत प्राप्त गरेकी छिन् । यसअघि पनि शान्तिनगरमा कांग्रेसले नै जितेको थियो । शान्तिनगरमा २० हजार आठ सय ६३ मध्ये १४ हजार आठ सय एक मत खसेको थियो ।
वडामा एमालेले थप्यो सिट
०७४ सालको स्थानीय तहको निर्वाचनमा शान्तिनगर गाउँपालिकामा एमालेले एउटा मात्रै वडा जितेको थियो । माओवादीले तीनवटा र कांग्रेसले तीनवटा वडा जितेको थियो । तर, यसपटक एमालेले एउटा वडा थप्न सफल भयो । एमालेले वडा नं. ४ र ६ जित्न सफल भयो । यसअघिको निर्वाचनमा पनि एमालेले ४ नम्बर वडा जितेको थियो । कांग्रेसले जितेको ६ नम्बर वडा पनि जित्न सफल भएको छ ।