- वि.सं २o७९ बैशाख ३० शुक्रबार
अर्थमन्त्री एवं नेकपा माओवादी केन्द्रका नेता जनार्दन शर्मा ‘प्रभाकर’ले रुकुम पश्चिमको मुसीकोट नगरपालिका- ५ को यमुनानन्द नमुना माविको ‘क’ मतदान केन्द्रबाट मतदान गरेका छन् ।
मन्त्री शर्माले बिहान ७ बजे नै मतदान गरेको मतदान अधिकृत बिनाराम खड्काले जानकारी दिए । ७ बजेदेखि मतदान सुरु भएको र त्यसको लगत्तै मन्त्री शर्मा मतदान गरेर फर्किएको उनले बताए । यस मतदानस्थलमा २ वटा मतदान केन्द्रहरू रहेका छन् । जसमा मतदाता संख्या १४ सय ५२ रहेको छ ।
