दार्चुलाकाे दुहु गाउँपालिका– ५ का नेकपा एमालेका वडाध्यक्षका  उम्मेदवार मानसिंह बडालमाथि गठबन्धनका कार्यकर्ताले कुटपिट गरेका छन्। मंगलबार साँझ प्रचारप्रसारबाट फर्किने क्रममा उनीमाथि कुटपिट भएको हो । उनको जिल्ला अस्पताल दार्चुलामा उपचार भइरहेको छ ।

वडाध्यक्षका उम्मेदवार  बडालसँगै मानसिंह बडाल, वीरेन्द्र महरा, लालसिंह महरालगायतको टिममाथि कुटपिट भएको एमाले जिल्ला कमिटी उपसचिव खडक बडालले जानकारी दिए। उनले दोषीलाई पक्राउ गरी कारबाहीको दायरामा ल्याउन माग गरेका छन् ।