पछिल्लो २४ घन्टामा नेपालमा थप एक सय ९४ जनामा कोरोना भाइरस संक्रमण पुष्टि भएको छ। ६ हजार तीन सय ९४ जनामा परीक्षण गर्दा सो संख्यामा संक्रमित थपिएका स्वास्थ्य तथा जनसंख्या मन्त्रालयले जनाएको छ। पिसिआर विधिबाट तीन हजार ६ सय ३८ र एन्टिजेन विधिबाट दुई हजार सात सय ५६ जनामा परीक्षण गरिएको हो।

यस अवधिमा तीन सय ४८ जना संक्रमणमुक्त भएका र एकजनाको मृत्यु भएको छ। आज मंगलबार देशभर दुई लाख तीन हजार ६ सय २५ जनाले कोरोनाविरुद्धको खोप लगाएका छन्। अब नेपालमा पाँच हजार आठ सय ७५ सक्रिय संक्रमित रहेका मन्त्रालयले जनाएको छ।