निर्वाचनमुख्य समाचारफ्रन्ट पेजसमाचारदृष्टिकोणअर्थअन्तर्वार्तामल्टिमिडियापन्ध्रौं वार्षिकोत्सव विशेषांकखेलकुदविश्वकोरोना अपडेटप्रवासकर्नर किकसम्पादकीय१३औँ वार्षिकोत्सव विशेषांकसाहित्यस्वास्थ्य र जीवनशैलीफिचरलाेकसेवा१४औँ वार्षिकोत्सव विशेषांकप्रेरक प्रसंगटर्निङ प्वाइन्ट्स-२०२२१२औँ वार्षिकोत्सव विशेषांकसप्तरंगटर्निङ प्वाइन्ट्स-२०२०टर्निङ प्वाइन्ट्स-२०१९प्रदेशब्लगEnglish
  • वि.सं २०७९ जेठ १३ शुक्रबार
  • Friday, 27 May, 2022
२०७८ माघ १० सोमबार ०७:१६:००
Read Time : > 1 मिनेट
मुख्य समाचार प्रिन्ट संस्करण

कोरोना महामारी : देशभर ५५ वटा अक्सिजन प्लान्ट जडान

Read Time : > 1 मिनेट
२०७८ माघ १० सोमबार ०७:१६:००

पाटन, वीर, शिक्षण अस्पताल, बिपी कोइराला स्वास्थ्य विज्ञान प्रतिष्ठानजस्ता ठूला स्वास्थ्य संस्थामा बिग्रिएका अक्सिजन प्लान्ट मर्मत गरी सञ्चालनमा


कोरोनाको तेस्रो लहरमा ५५ वटा अक्सिजन प्लान्ट तयार भएका छन् । दोस्रो लहरमा देशभर १५ वटा मात्रै अक्सिजन प्लान्ट सञ्चालनमा थिए । अहिले बिग्रिएका प्लान्टलाई समेत मर्मत गरी सञ्चालनमा ल्याइएको छ ।

जडान भएका अक्सिजन प्लान्टले दैनिक ५० देखि दुई सयसम्म अक्सिजन सिलिन्डर भर्न सक्ने क्षमता राख्छन् । कोरोनाको तेस्रो लहरमा ४० वटा नयाँ प्लान्ट जडान भएका छन् । दोस्रो लहरमा अक्सिजनको अभावका कारण कैयौँ व्यक्तिहरूले ज्यान गुमाउनु परेपछि सरकारले सबै अस्पतालमा अक्सिजन प्लान्ट जडान गर्न निर्देशन दिएको थियो । स्वास्थ्य तथा जनसंख्या मन्त्रालयको निर्देशनपछि अस्पतालहरूले आफ्नो बेड क्षमताका आधारमा अक्सिजन प्लान्ट जडान गरेका हुन् ।

पाटन, वीर, शिक्षण अस्पताल, बिपी कोइराला स्वास्थ्य विज्ञान प्रतिष्ठानजस्ता ठूला स्वास्थ्य संस्थाका अक्सिजन प्लान्ट बिग्रिएका थिए । अहिले मर्मत गरेर सञ्चालनमा रहेको अस्पतालले जनाएको छ । 

स्वास्थ्य मन्त्रालयका सहप्रवक्ता डा. समीरकुमार अधिकारीले देशभर १५ हजार चार सय ६५ अक्सिजन सिलिन्डर रहेको जानकारी दिए । अक्सिजन कन्सन्ट्रेटर ६ सय ९३ वटा छ । स्वास्थ्य मन्त्रालयका अनुसार कोरोनाको संक्रमण तीव वृद्धि भए पनि अस्पतालमा भर्ना भएका र आइसियूमा पुगेकालाई विगतको जस्तो अक्सिजन आवश्यकता परेको छैन । पहिलो र दोस्रो लहरमा अक्सिजनको अभावले धेरैको मृत्यु भएको थियो ।

यसपटक स्वास्थ्यकर्मी धेरै संक्रमित भएका छन् । स्वास्थ्य मन्त्रालयको पछिल्लो तथ्यांकअनुसार करिब एक हजार स्वास्थ्यकर्मी कोरोना संक्रमित भएका छन् । कतिपय भने निको भएर काममा फर्केका छन् । तर, अझै पाँचदेखि ६ सयको संख्यामा स्वास्थ्यकर्मी सेवामा फर्केका छैनन् । स्वास्थ्यकर्मीको अभावले सेवा नरोक्न सरकारले सरकारी अस्पतालहरूमा करारमा स्वास्थ्यकर्मी लिन अनुरोध गरेको छ । स्वास्थ्य मन्त्रालयका सहप्रवक्ता डा. अधिकारी भन्छन्, ‘धेरै स्वास्थ्यकर्मी संक्रमित भएका छन् । तर, सेवा रोकिएको छैन । भोलिका दिनमा सेवा अवरुद्ध नहोस् भनेर मन्त्रालयले करारमा जनशक्ति लिई सेवा नियमित गर्न अस्पतालमा परिपत्र भइसकेको छ ।’

धेरै स्वास्थ्यकर्मी संक्रमित भएका छन् । तर, सेवा रोकिएको छैन । भोलिका दिनमा सेवा अवरुद्ध नहोस् भनेर मन्त्रालयले करारमा जनशक्ति लिई सेवा नियमित गर्न अस्पतालमा परिपत्र भइसकेको छ ।

 

 

डा. समीरकुमार अधिकारी, सहप्रवक्ता, स्वास्थ्य मन्त्रालय

 

टेकु अस्पतालले ५० जना स्वास्थ्यकर्मी संक्रमित भएपछि खोप सेवा नै रोकेको छ । सबैभन्दा धेरै खोप लगाउँदै आएको टेकुले स्वास्थ्यकर्मी संक्रमित भएपछि सेवा रोक्नुपरेको जनाएको छ । तर, कोभिडका कारणले अस्पतालमा बिरामीको चाप भने बढेको छैन ।

कम परीक्षण गरेकाले संक्रमितको संख्या घट्यो

पछिल्लो २४ घन्टामा देशभर १७ हजार चार सय ३७ वटा नमुना परीक्षण गर्दा ६ हजार चार सय ६२ जनामा कोरोना संक्रमण पुष्टि भएको छ । एक हजार चार सय १६ जना निको भएका छन् । यस अवधिमा चारजनाको मृत्यु भएको स्वास्थ्य मन्त्रालयले जनाएको छ । मन्त्रालयका सहप्रवक्ता डा. अधिकारीले शनिबार धेरै नमुना संकलन र परीक्षण नभएकाले कम तथ्यांक आएको बताए । 

तथ्यांकअनुसार कुल संक्रमितमध्ये ७५ हजार तीन सय ७६ जना घरमा बसेका छन् । एक हजार ६ सय ६४ जना अस्पतालमा छन् । दुई सय १५ जना आइसियू र ४० जना भेन्टिलेटरमा पुगेका छन् । नेपालमा कोरोनाबाट मृत्यु हुनेको संख्या आइतबारसम्म ११ हजार ६ सय ५५ पुगेको छ । अघिल्लो दिनमा भन्दा आइतबार आइसियूमा पाँचजना र भेन्टिलेटरमा तीनजना थपिएका छन् ।