देशभर थप तीन सय ३२ जनामा कोरोना संक्रमण पुष्टि भएको छ । स्वास्थ्य तथा जनसंख्या मन्त्रालयले बुधबार सार्वजनिक गरेको विवरणअनुसार पछिल्लो २४ घन्टामा पिसिआर परीक्षणमा तीन सय पाँच र एन्टिजेन परीक्षणमा २७ जनामा संक्रमण देखिएको हो ।
यो अवधिमा सात हजार पाँच सय ९० जनाको पिसिआर परीक्षण र दुई हजार तीन सय ३० जनाको एन्टिजेन परीक्षण गरिएको थियो।
हाल देशभर सात हजार तीन सय ६९ जना सक्रिय संक्रमित रहेका छन् । बुधबार दुई सय ३२ जना कोरोना संक्रमणमुक्त भएका छन् । निको हुने दर ९७.७ प्रतिशत रहेको स्वास्थ्य मन्त्रालयले जनाएको छ।
पछिल्लो २४ घन्टामा चारजना संक्रमितको मृत्यु भएको छ। हालसम्म मृत्यु हुने संक्रमितको संख्या ११ हजार पाँच सय १३ पुगेको छ।