- वि.सं २o८१ बैशाख २० बिहीबार
प्रधानन्यायाधीश चोलेन्द्रशमशेर जबराको राजीनामा माग गर्दै नेपाल बार एसोसिएसनले तेस्रो दिन पनि धर्ना दिएको छ। नेपाल बारको आह्वानमा कानुन व्यवसायीहरूले सर्वोच्च बार परिसरमा धर्ना दिइरहेका छन्।
सयौँको संख्यामा कानुन व्यवसायीहरू धर्नामा बसेका छन्। बारले प्रधानन्यायाधीश जबरालाई राजीनामाका लागि अल्टिमेटमसहित आइतबारबाट धर्नाको कार्यक्रम घोषणा गरेको थियो। जबराको राजीनामा आफूहरूको बटमलाइन रहेकाले राजीनामा नआएसम्म चरणबद्ध आन्दोलनका कार्यक्रम जारी राख्ने बारले जनाएको छ।
