- वि.सं २o८१ बैशाख २४ सोमबार
यमनका लागि संयुक्त राष्ट्रसंघका विशेष दूत हान्स ग्रन्बर्गले यमनको आन्तरिक विवादको राजनीतिक समाधान खोज्नुपर्ने बताएका छन् । उनले यहाँका राजनीतिक शक्तिहरूबीचमा बृहत् राजनीतिक सहमतिका आधारमा समाधान खोजिनुपर्नेमा जोड दिएका हुन् ।
यसका लागि यहाँका सबै प्रकारका राजनीतिक शक्तिका साथै राजनीतिक दलहरूका बीचमा पनि बृहत् राजनीतिक सहमति हुनु जरुरी रहेको ग्रन्डबर्गले बताए । यसरी निकालिएको राजनीतिक समाधानले मात्र यहाँको समस्याको दिगो समाधान हुने र यहाँको आर्थिक, सांस्कृतिक पुनर्स्थापनाका लागि सहयोग पुग्ने धारणा राखेका छन् ।
यमनमा विगतका केही वर्षदेखि राजनीतिक हिंसा जारी रहेको छ। यसबाट कैयौँ नागरिकले ज्यान गुमाएका छन्। यहाँको हिंसा अन्त्यका लागि शान्तिपूर्ण वार्ताको माध्यमबाट अघि बढ्नुपर्ने संयुक्त राष्ट्रसंघले जनाएको छ। रासस
