लमजुङको क्व्होलासोथार गाउँपालिका– ४ भुजुङमा मंगलबार चट्याङ लागेर एक विद्यार्थीको मृत्यु भएको छ । भुजुङस्थित त्रिभुवन विद्याश्रम माध्यमिक विद्यालयमा कक्षा १० मा अध्ययनरत विनोद विकको मृत्यु भएको हो । 

विद्यार्थी छविन्द्र गुरुङ र रेशबहादुर गुरुङ घाइते भएका छन् । घाइतेलाई उपचारका लागि भुजुङबाट घलेगाउँसम्म जिपमा र त्यहाँबाट हेलिकोप्टरमार्फत पोखरा लगिएको क्वहोलासोथर गाउँपालिकाका अध्यक्ष प्रेमबहादुर घलेले बताए ।