ब्राजिलमा बुधबार एकै दिन कोरोना भाइरस संक्रमणबाट एक हजार दुई सय ५४ जनाको मृत्यु भएको छ । योसँगै ब्राजिलमा कोरोना भाइरस संक्रमणबाट मृत्यु हुने व्यक्तिको संख्या दुई लाख २७ हजार पाँच सय ६३ पुगेको छ ।

यस्तै, पछिल्लो २४ घन्टामा ब्राजिलमा ५६ हजार दुईजनामा कोरोना भाइरस संक्रमण भएपछि कुल संक्रमितको संख्या ९३ लाख ३९ हजार चार सय २० पुगेको छ । ब्राजिलको साओ पाउलोे सबैभन्दा बढी प्रभावित राज्य हो । 

विश्वमा कोरोना भाइरस संक्रमणका कारण धेरै मानिसले ज्यान गुमाउने राष्ट्रमध्ये ब्राजिल दोस्रो स्थानमा छ । अमेरिका पहिलो, ब्राजिल दोस्रो र भारत तेस्रो स्थानमा रहेको छ । अमेरिकामा कोरोना संक्रमणबाट चार लाख ६१ हजारभन्दा बढीको मृत्यु भएको छ । भारतमा कोरोना संक्रमणबाट एक लाख ५४ हजार सात सयभन्दा बढीको मृत्यु भएको छ।