मुख्य समाचारफ्रन्ट पेजसमाचारदृष्टिकोणअर्थअन्तर्वार्तामल्टिमिडियाखेलकुदविश्वप्रवासकोरोना अपडेटकर्नर किकसम्पादकीयस्वास्थ्य र जीवनशैली१३औँ वार्षिकोत्सव विशेषांकफिचरलाेकसेवाप्रेरक प्रसंग१२औँ वार्षिकोत्सव विशेषांकसप्तरंगटर्निङ प्वाइन्ट्स-२०२०टर्निङ प्वाइन्ट्स-२०१९प्रदेशब्लगEnglishटर्निङ प्वाइन्ट्स-२०२१
  • वि.सं २०७७ फाल्गुण २२ शनिबार
  • Saturday, 06 March, 2021
नयाँ पत्रिका काठमाडाैं
२०७७ माघ १४ बुधबार १२:०१:००
Read Time : < 1 मिनेट
मुख्य समाचार डिजिटल संस्करण

नेकपा एकताका लागि वामदेवले सार्वजनिक गरे अवधारणापत्र

Read Time : < 1 मिनेट
नयाँ पत्रिका, काठमाडाैं
२०७७ माघ १४ बुधबार १२:०१:००

प्रधानमन्त्री केपी ओलीले प्रतिनिधिसभा विघटन गरेसँग चोइटिएको नेकपालाई पुनः एक बनाउन नेकपाका उपाध्यक्ष वामदेव गौतमले ‘नेकपा एकता राष्ट्रिय अभियान’ घोषणा गरेर अवधारणापत्र सार्वजनिक गरेका छन् ।

गौतम संयोजक रहेको अभियान ६ सय ५१ सदस्यीय तथा कार्य सम्पादन समिति एक सय ७५ सदस्यीय छ । समितिमा नेकपाका केन्द्रीय सदस्य हरि पराजुली, गौतमपत्नी सांसद तुलसा थापा, माया ज्ञवाली, त्रिविका पूर्वउपकुलपति हिरालाल महर्जनलगायत छन् ।

सिद्धार्थ कटेज धोबीघाटमा गौतमले बुधबार  सो पत्र सार्वजनिक गरेका हुन् । उनको अवधारणापत्रमा पार्टी एकता राष्ट्रिय अभियान सञ्चालनका लागि केन्द्रमा एक अधिकारसम्पन्न समन्वय समिति रहने जनाइएको छ ।  ६ सय ५१ सदस्यीय सो समितिमा एक सय ५१ जनाको कार्यसम्पादन समिति रहनेछ । 

साथै दैनिक कामका लागि आवश्यक सचिवालयसमेत निर्माण हुने अवधारणापत्रमा जनाइएको छ । प्रत्येक प्रदेशमा पनि समन्वय समिति बनाउने र प्रदेशअन्तर्गत रहेका केन्द्रीय सदस्यहरू र जिल्ला समितिका संयोजकहरू पदेन सदस्यका रूपमा रहने पनि अवधारणापत्रमा जनाइएको छ ।