नर्वेमा पहिरो एकको मृत्यु, नौ बेपत्ता
नर्वेमा पहिरोका कारण कम्तीमा एकजनाको मृत्यु भएको छ भने अरू नौजना बेपत्ता भएका छन् । राजधानी ओस्लोदेखि २५ किलोमिटर टाढा रहेको पहाडी क्षेत्र आस्कमा मंगलबार राति पहिरो गएको अधिकारीहरूले जनाएका छन् ।
पहिरोका कारण मानवीय क्षतीसँगे भौतिक संरचनामा पनि ठूलो क्षति भएको छ । घर तथा अन्य भवनहरूसमेत नष्ट भएका छन् । ‘पहिरो गएको ठाउँबाट एकजनाको शव निकालिएको छ भने अरू बेपत्ता भएकाहरूको खोजी भइरहेको छ,’ एक प्रहरी अधिकारीले भने ।
घटनास्थलमा हिउँ परिरहेकाले खोजी तथा उद्धारमा कठिनाइ भइरहेको घटनास्थलमा खटिएकाहरूले बताएका छन् । प्रहरीले केही दिनअघि नै पहिरोमा परी कुल १० जना बेपत्ता भएको जनाएको थियो । बेपत्ता भएकामध्ये आठजना वयस्क छन् भने एकजना दुई वर्षका छन् ।
नर्वेका सञ्चारमाध्यमहरूले उनीहरूको खोजी तथा उद्धारका लागि हेलिकोप्टर र एम्बुलेन्स परिचालन गरिएको जनाएका
छन् ।