जापानमा एकैदिन तीन हजारभन्दा बढी कोरोना संक्रमित थपिए
जापानमा पछिल्लो समयमा कोरोना भाइरस संक्रमण दर बढ्दै गएको छ । जापानमा शनिबार एकैदिन अहिलेसम्मकै धेरै संक्रमित थपिएका हुन् । जापानको स्वास्थ्य मन्त्रालयका अनुसार शनिबार कम्तीमा पनि तीन हजारजना संक्रमित थपिएका छन् ।
जापानको राजधानी टोकियोमा शनिबार अहिलेसम्मकै सबैभन्दा धेरै संक्रमित भेटिएको जानकारी दिइएको छ। सबैभन्दा बढी टोकियो र त्यसपछि अरू केही जिल्लामा संक्रमित भेटिएको बताइएको छ ।
योसँगै जापानमा अहिलेसम्म संक्रमण हुने व्यक्तिको संख्या ४६ हजारभन्दा बढी पुगेको छ । यहाँ शनिबार टोकियोमा ६ सय २१ जना संक्रमित भेटिएका थिए । पछिल्लो समयमा यहाँ संक्रमित बढ्दै गएपछि राजधानी टोकियोका होटेल रेस्टुरेन्ट तथा बढी भिडभाड हुने स्थानमा मानिसको आवतजावत रोकिएको छ । सरकारले आन्तरिक यातायात सेवा भने नरोक्ने जनाएको छ ।