- वि.सं २०८१ बैशाख ८ शनिबार
नेपालको पाँचथर र भारतको सिक्किम र पश्चिम बंगालको सीमाक्षेत्रमा आन्तरिक पर्यटक बढेका छन ।
सीमा क्षेत्रमा नेपाली सुरक्षाकर्मी राखिएपछि त्यहाँ घुम्न जाने आन्तरिक पर्यटक ह्वात्तै बढेको फालेलुङ गाउँपालिकाले जनाएको छ ।
अहिले सीमा क्षेत्रको पर्यटकीय दृष्यावलोकनामा रमाउने धेरै बढेका छन ।
फालेलुङ १ कि चाहाना जबेगूले यस ठाउँमा घुम्न आउँदा निकै आनन्द लागेको बताइन् ।
उनीसँगै १६ जना मध्ये आधा भन्दा धेरै पहिलो पटक यस स्थलमा आएको बताए ।
यो समय उच्च पहाडी क्षेत्रको यात्राका लागि सहज मानिन्छ । हिउँ पर्न थालिसकेको छैन । चिसो पनि ठिक्क मात्रै छ ।
फालेलुङ ४ का अध्यक्ष बिश्वास सावदेनले भने–सबै भन्दा पर्यटक भित्रनुमा बिओपी स्थापना हो । सीमा क्षेत्रमा नेपाली पर्यटकलाई ढुक्क संघ घुम्ने बाताबरण यस अघि थिएन । सबैलाई डर थियो ।
पाँचथरको सीमा क्षेत्रमा मात्रै अहिले चार स्थानमा बिओपी राखिएको छ । सीमामा सुरक्षा कायम हुने भएपछि आन्तरिक पर्यटक बढेका हुन ।
दैनिक जसो गाडी रिर्जव लिने गरेको सोही क्षेत्रमा लामो समय देखी ट्याक्सी सञ्चालन गरिरहेका रोशन सेढाईले बताए ।
‘यो सिजनमा मात्रै म ५० औ पटक पुगिसकेँ’ उनले भने ‘अझै गाढी रिजर्भ गरेर जानेहरुको संख्या बढि रहेको छ ।’
फालेलुङ ४ को गोर्खेपानीमा बिओपी राख्ने तयारी संगै त्यहाँसम्म पुग्ने सडक सुधारीएपछि सीमा यात्रामा पुग्नेलाई सहज भएको छ ।
फालौट क्षेत्रमा इलाम तर्फबाट आउने पर्यटक शन्दकपुरबाट आउँछन । पाँचथर र ताप्लेजुङ तर्फबाट पनि दैनिक जसो सयौ पर्यटक सीमा क्षेत्र पुग्छन् ।
फालौट पुगेर उच्च पहाडी क्षेत्रको दृष्यावलोकन मुख्य आकर्षण हो । हिमाली सृङखलाहरुमा रमाउने पनि धेरै छन ।
केही यात्रुहरु तीर्थ यात्राका लागि पनि उच्च पहाड पुग्ने गरेका छन । पछिल्लो समय पर्यटक बढेसँगै त्यहाँ रहेका गोठहरु पनि ब्यवस्थित हुन थालेका छन ।
उच्च पहाडी क्षेत्रमा पर्यटकको ब्यवस्थापनका लागि फालेलुङ गाउँपालिकाले तयारी गरिरहेको छ ।
पर्यटकको चापलाई मध्यनजर गर्दै त्यहाँ स्थाई, अस्थाई संरचना निर्माण गर्नेसहितका तयारी गाउँपालिकाले बनाएको छ ।
