गायक तथा कलाकार देवेन्द्र बब्लु र गायिका एलिना चौहानको स्वर रहेको ‘मायाले नि के-के गर्च गर्च’ बाेलकाे गीत सार्वजनिक भएको छ।
गीतको म्युजिक भिडियोमा प्रकाश घिमिरे, देवेन्द्र बब्लु, रोशनी कार्कीले अभिनय गरेका छन् । म्युजिक भिडियो द्वन्द्वकालीन समयको वियोगान्त प्रेमकथामा आधारित छ ।
हर्क साउदको शब्द, गायक देवेन्द्रको संगीत तथा गीतको संयोजन योगेश काजीले गरेका छन् । यस्तै विशाल घिमिरेको निर्देशन, अनिलकृष्ण मानन्धरको छायांकन र प्रवीण भट्टको सम्पादन रहेको म्युजिक भिडियो देवेन्द्रको युट्युब च्यानलबाट सार्वजनिक गरिएको छ।
केही समयअघि बब्लु र एलिनाले गाएको ‘म हाँसे हास्छौ र’ बोलको गीत निकै चर्चित बनेको थियो ।