- वि.सं २o८१ बैशाख २४ सोमबार
हुम्लाकाे उत्तरी नाम्खा गाउँपालिकामा आगामी बुधबारदेखि पठनपाठन सुरु हुने भएको छ । लामो लकडाउनका कारण बन्द भएका विद्यालय आगामी बुधबारदेखि खुल्ने भएका हुन् ।
नाम्खा गाउँपालिका ‘ग्रिन जोन’का रूपमा रहेकाले गाउँ कार्यपालिकाले विद्यालय सञ्चालन गर्ने निर्णय गरेको अध्यक्ष विष्णुबहादुर लामाले जानकारी दिए ।
लकडाउनको समयमा पनि नाम्खा गाउँपालिका- ६ लिमीका दुई विद्यालयमा पठनपाठन नराेकिएकाे अध्यक्ष लामाले बताए ।
विद्यार्थीको पिसिआर अनिवार्य
नाम्खा गाउँपालिकाले अध्ययनरत विद्यार्थीको पिसिआर अनिवार्य गरेको छ । साथै विद्यार्थीले स्वास्थ्य सुरक्षा सावधानी अपनाएर पठनपाठन सुरु गर्ने महाबौद्व विद्यालयका निमित्त प्रधानाध्यापक लक्ष्मण थापाले बताए ।
नाम्खा गाउँपालिकाभित्र १६ वटा सामुदायिक विद्यालय र एक धार्मिक विद्यालय (गुम्बा) मा एक हजार ६० विद्यार्थी अध्ययनरत छन् ।
