- वि.सं २०७७ मङ्सिर १७ बुधबार
प्रदेश १ सरकारका प्रवक्ता आन्तरिक मामिला तथा कानुनमन्त्री हिक्मतकुमार कार्कीलाई कोरोना संक्रमण भएको छ । शुक्रबार कार्कीलाई कोरोना संक्रमण पुष्टि भएको हो ।
मन्त्री कार्कीले आफूलाई कोरोना संक्रमण भएकाले आफूसँग सम्पर्कमा आएकाहरूलाई सतर्क हुन सामाजिक सञ्जालमार्फत आग्रह गरेका छन् । उनका अनुसार २९ असोजमा गरेको पिसिआर परीक्षणमा रिपोर्ट नेगेटिभ भएको थियो । हाल उनी विराटनगरस्थित आफ्नै निवासको आइसोलेसनमा बसेका छन् ।
यसअघि प्रदेश १ का सामाजिक विकासमन्त्री जीवन घिमिरेलाई पनि कोरोना संक्रमण भएको थियो । उनी निको भइसकेका छन् । सामाजिक विकास मन्त्रालयका अनुसार प्रदेश १ मा कोरोना संक्रमितको संख्या १६ हजार चार सय ६८ पुगेको छ ।
