Read Time : < 1 मिनेट
२०७७ कार्तिक १ शनिबार १६:२५:००
देशमा पछिल्लो २४ घन्टामा ३१ सय ६७ जना नयाँ कोरोना संक्रमित थपिएका छन् ।
स्वास्थ्य तथा जनसंख्या मन्त्रालयले यो अवधिमा १५ हजार चार सय ३८ जनाको नमुना परीक्षण गरेको जनाएको छ ।
योसमेत देशभर हालसम्म संक्रमित हुनेको संख्या एक लाख २९ हजार तीन सय चार पुगेको छ ।
आज १८ सयजना संक्रमित निको भई डिस्चार्ज भएका छन् ।
अहिलेसम्म कुल ८९ हजार आठ सय ४० जना डिस्चार्ज भएकाे मन्त्रालयले जनाएकाे छ ।
हाल देशमा ३८ हजार सात सय ३७ सक्रिय संक्रमित रहेको स्वास्थ्य तथा जनसंख्या मन्त्रालयका प्रवक्ता डा. जागेश्वर गौतमले जानकारी दिए ।
हाल १३ हजार दुई सय ९९ जना संस्थागत आइसोलेसनमा र २५ हजार चार सय ३८ जना होम आइसोलेसनमा रहेको उनले बताए ।