कोरोना संक्रमणबाट थप २१ जना गैरआवासीय नेपालीको निधन

Read Time : < 1 मिनेट

नयाँ पत्रिका, काठमाडौं

नयाँ पत्रिका

२o८१ बैशाख २५ मंगलबार १२:o५:oo

कोरोना संक्रमणबाट थप २१ जना गैरआवासीय नेपालीको निधन भएको छ ।

गैरआवासीय नेपाली संघले पछिल्लो विभिन्न मितिमा थप २१ जनाको निधन भएको जानकारी दिएको हो ।

संघका अनुसार कुवेतमा पाँचजना, साउदी अरबमा १४ जना, युएईमा एकजना, युगान्डामा एकजना गरी शनिबार साँझसम्म १७ देशमा रहेका दुई सय ६५ जना नेपालीको कोरोना भाइरसको संक्रमणका कारण निधन भएको हो ।

संघअन्तर्गतको स्वास्थ्य समितिले जनाएअनुसार शनिबार साँझसम्म ४२ देशमा रहेका ३८ हजार आठ सय ४८ जना नेपाली कोरोना भाइरसबाट संक्रमति भएका छन् ।

तीमध्ये ३५ हजार ७८ जना कोरोना संक्रमणमुक्त भएका छन् । यो कुल संक्रमितमध्ये ९२ प्रतिशत हो ।

समितिका संयोजक डा. सञ्जीव सापकोटाका अनुसार यो साता पोर्चुगल, बेलायत, साउदी अरब, कुवेत, युएई, संयुक्त राज्य अमेरिकामा रहेका नेपालीमा कोरोना भाइरसको नयाँ संक्रमण देखिएको हो ।

#कोरोना # गैरआवासिय