- वि.सं २o८१ बैशाख १७ सोमबार
मन्थली नगरपालिका– ७ भटौलीमा सोमबार बिहान बागमती प्रदेश ०१–००६ ख ३८३९ नम्बरको टिफर दुर्घटना हुँदा टिपरचालकको घटनास्थलमै ज्यान गएको छ ।
ज्यान गुमाउनेमा टिपरचालक २० वर्षीय पवित्र बस्नेत रहेका छन् । सोही टिपरका सहचालक दोलखा तामाकोशी गाउँपालिका– ६ च्यामा बस्ने अन्दाजी २१ वर्षीय मनोज फुँयाल गम्भीर घाइते भएका छन् । उनको घटनास्थलबाट उद्धार गरी हाल मन्थली अस्पतालमा उपचार भइरहेको छ ।
मन्थली नगरपालिका– ७ भटौलीको तामाकोशी नदीको पोडेदहबाट बालुवा लोड गरी सदरमुकाम मन्थलीतर्फ आउँदै गरेको उक्त टिपर पिपलबाेटनजिकैको सडकबाट करिब ५० मिटर तल नदी किनारमा खसेको थियो । घटनाको विषयमा थप अनुसन्धान भइरहेको जिल्ला प्रहरी कार्यालय रामेछापका प्रहरी नायब उपरीक्षक प्रदीपकुमार सिंहले जानकारी दिए ।
