पाँचौँ राष्ट्रिय योग खेलकुद प्रतियोगितामा कञ्चनपुरका रोशन विष्ट मिस्टर योगी र उदयपुरकी मीनाकुमारी राउत मिस योगी भएका छन् । मुलुकभरिबाट दुई सय १३ योग खेलाडीबाट विष्ट र कुमारीले उपाधि हात पारेका हुन् । ९ देखि ११ वर्ष उमेर समूहको पुरुषमा सुशान्त गजुरेल पहिलो भएका छन् ।
किरण मगर दोस्रो र अशिस तामाङ तेस्रो भए । यसै उमेर समुहको महिलामा सोमिया कार्की पहिलो तथा नुरिता तामाङ दोस्रो भएका छन् । १२ देखि १४ वर्ष उमेर समुह पुरुषतर्फका विजेता जय चौधरी भए । दिप्सन पौडेल उपविजेता बनेका छन् । सोही उमेर समूहको महिलामा स्वेच्छा थापा पहिलो र दिक्षा धिमाल दोस्रो स्थानमा रहेको आयोजकले जनाएको छ ।
१५ देखि १७ वर्ष उमेर समुहको पुरुषमा बुद्ध गुरुङ पहिलो तथा विवेक यादव दोस्रो भएका छन् । यसैगरी, १५ देखि १७ वर्ष उमेर समूहमा महिलामा चाँदनी परियारले उपाधि हात पारेकी छिन् । यस समूहमा प्रज्ञा गौतम दोस्रो र तेस्रो स्थानमा समता ओडारी भएका छन् । १८ देखि ३५ पुरुषतर्फ प्रथम रोशन विष्ट, दोस्रो आङ छिरिङ शेर्पा र तेस्रो भरत कुमार बजगाईं भएका छन् ।
सोही उमेर समुहमा महिला तर्फ मिना कुमारी रावत च्याम्पियन बनिन् । विसिका ढकाल उपविजेता र सुनिता तामाङ तेस्रो स्थानमा रहे । ३६ देखि ४९ उमेर समूहमा पुरुषतर्फको विजेता निल कमल रोय र उपविजेता शरण दाहाल भएका छन् ।
महिलातर्फ जानुका भट्टराई च्याम्पियन,, रेनुका गुरुङ उपविजेता र टंक माया रेग्मी तेस्रो भएका छन । राष्ट्रिय खेलकुद परिषद्का पूस्र्वसदस्यसचिव केशबकुमार विष्ट , नेपाल योग खेलकुद संघका अध्यक्ष प्रा.डा. सूर्य बहादुर कार्की र सुदुरपश्चिम योग खेलकुद संघका अध्यक्ष गीता सोराडी लगायतले खेलाडीहरूलाई पुरस्कृत गरेका छन् । प्रतियोगितामा २ सय १३ योग खेलका खेलाडीहरूको सहभागिता रहेको थियो ।