- वि.सं २o८१ बैशाख १७ सोमबार
राष्ट्रिय सभाको उपाध्यक्ष पदको निर्वाचनका लागि दुईजनाको उम्मेदवारी परेको छ। अहिलेसम्म सत्तारूढ दल एमालेबाट सांसद विमला घिमिरे र प्रमुख प्रतिपक्षी कांग्रेसबाट सांसद विष्णुदेवी पुडासैनीको उम्मेदवारीसम्बन्धी निवेदन दर्ता भएको हो।
निर्वाचन कार्यतालिकाअनुसार उम्मेदवारी दर्ताको समय एक बजेर ४५ मिनेटसम्म छ। एमाले उम्मेदवार घिमिरेको प्रस्तावकमा एमालेकै भगवती न्यौपाने र समर्थकमा माओवादीका गोपीबहादुर सार्की अछामी छन्।
कांग्रेस उम्मेदवार पुडासैनीको प्रस्तावकमा कांग्रेसकै दुर्गाकुमारी गुरुङ र समर्थकमा कांग्रेसकै नारायणदत्त भट्ट छन्।
सरकारमै सहभागी रहेको एकीकृत समाजवादीले पनि उम्मेदवारी दिने बताउँदै आएको छ। यस विषयमा निर्णय लिन एसको बैठक अहिले बसिरहेको छ।
