एमजीको नेपालका लागि आधिकारिक वितरक पारामाउन्ट मोटर्स प्रालिले पारामाउन्ट चार्जिङ सोलुसन एप सार्वजनिक गरेको छ । कम्पनीले एमजिको विद्युतीय गाडी चलाउने नेपाली ग्राहकका लागि सुविधाजनक र प्रभावकारी एप ल्याएको हो ।
पारामाउन्ट चार्जिङ सोलुसन एपले देशभर रहेका ३० किलोवाट डिसी चार्जिङ स्टेसनको लाइभ अपडेटका साथै चार्जिङ भुक्तानीमा सहजता पुर्याउने कम्पनीले जनाएको छ । यस एपले हालका लागि ३० किलोवाट चार्जर मात्र सपोर्ट गर्ने भएकाले एमजी जेड एस इभी र एमजीफो इभीका ग्राहकलाई विशेष फाइदा गर्ने कम्पनीको भनाइ छ ।
हालसम्म देशभरमा एमजीका ११ वटा चार्जिङ स्टेसन रहेको र यो संख्या बढाउँदै जाने कम्पनीले जनाएको छ ।