नेपालमा जारी दोस्रो एकदिवसीय क्रिकेटमा नेपालको ‘ए’ले क्यानडा–११ लाई दुई विकेटले पराजित गरेको छ।
क्यानडाले दिएको दुई सय ४१ रनको लक्ष्य नेपालले ५ बल बाँकी हुँदै आठ विकेटको क्षतिमा पूरा गरेको थियो।
नेपालका लागि कप्तान सन्दीप जोराले ६६, बसिर अहमदले ५२, रसिद खानले ४७ रनको योगदान दिएका थिए।
क्यानडा ११ का अमोर खलिद, साहिद अहमदजाई र निखिल दत्तले समान दुई विकेट लिए।
यसअघि मूलपानी क्रिकेट मैदानमा टस हारेर ब्याटिङ गरेको क्यानडा अन्तिम बल बाँकी हुँदै दुई सय ४० रनमा अलआउट भएको थियो। नेपालका साहब आलमले तीन तथा शेर मल्ल र रसिद खानले समान दुई विकेट लिएका थिए।
यो जितसँगै यो दुवै टिम एक–एकको बराबरी पुगेका छन्। शृंखलाको अन्तिम खेल बिहीबार हुनेछ।