कांग्रेस महासमिति बैठकलाई नेपाल प्रेस युनियनले बहिष्कार गर्ने निर्णय गरेको छ। सोमबारदेखि राजधानीमा सुरु भएको कांग्रेस महासमिति बैठकलाई प्रेस युनियनले बहिष्कार गर्ने निर्णय गरेको हो। 

महासमिति बैठकमा प्रेस युनियनको प्रतिनिधित्वलाई लिएर सार्वजनिक विषयप्रति गम्भीर ध्यानाकर्षण भएको जनाउँदै बैठकमा सहभागिता नजनाउने निर्णय गरेको युनियनद्वारा जारी विज्ञप्तिमा उल्लेख छ। 

‘लोकतान्त्रिक अभ्यासबाट निर्वाचित युनियन केन्द्रीय समितिको कार्यक्षेत्रमाथि गरिएको हस्तक्षेप हामीलाई कदापि स्वीकार्य छैन। कांग्रेस केन्द्रीय निर्वाचन समितिले विधानको अपव्याख्या गरी गरेको निर्णयले प्रेस युनियन र कांग्रेसबीचको शुभेच्छुक सम्बन्धलाई चाहनेहरूलाई बल पुगेको छ,’ विज्ञप्तिमा उल्लेख छ।