प्रथम कञ्चनजंघा सेसेलुङ गोल्डकप फुटवल प्रतियोगताको सोमबार भएको दोस्रो सेमिफाइनलमा सगरमाथा क्लब मोरङले पाँचथर फुटबल क्लब पाँचथरलाई टाइबे्रकरमा पाँच–चारले हराएको छ । जितसँगै मोरङ अन्तिम दुईमा पुगेको छ ।
निर्धारित समयमा दुवै टोलीले १–१ को बराबरी खेलेका थिए । खेलको ५०औँ मिनेटमा पाँचथरका नितेश राईले टोलीलाई १–० को अग्रता दिलाए । खेलको ८६औँ मिनेटमा मोरङका विशाल भण्डारीले १–१ को बराबरीका लागि गोल गरे ।
पाँचथर फुटबल क्लबले झापाको जलथल फुटबल क्लबलाई हराउँदै अन्तिम चारमा पुगेको थियो । दोस्रो सेमिफाइनलमा चक्रघट्टी फुटबल क्लब सुनसरीले आठराई क्लब तेह्रथुमलाई १–० गोल गर्दै फाइनल स्थान पक्का गरेको हो । कञ्चनजंघा सेसेलुङ गोल्डकप फुटबल प्रतियोगिताको विजेताले तीन लाख दुई हजार र उपविजेताले एक लाख ५१ हजार रुपैयाँ हात पार्नेछन् ।