मुख्य समाचारफ्रन्ट पेजसमाचारदृष्टिकोणअर्थअन्तर्वार्ताखेलकुदविश्वफिचरप्रदेशपालिका अपडेट
  • वि.सं २०८० फाल्गुण २१ सोमबार
  • Monday, 04 March, 2024
२०८० मङ्सिर १३ बुधबार १०:२६:००
Read Time : < 1 मिनेट
समाचार डिजिटल संस्करण

भरतपुरमा स्यालले मानिस र पशुचौपायालाई टोक्यो 

Read Time : < 1 मिनेट
२०८० मङ्सिर १३ बुधबार १०:२६:००

भरतपुर महानगरपालिकामा स्यालआतंक फैलिएको छ । स्यालले मानिस र घरपालुवा पशुचौपायालाई टोक्दा स्थानीय त्रसित भएका छन् । भरतपुर महानगरपालिका- १३, ब्रह्मपुरीमा स्यालले मानिस र पशुचौपायालाई टोकेर घाइते बनाएको छ ।

मंगलबार बिहान ९ बजेतिर स्थानीय जोखबहादुर गुरुङलाई स्यालले टोकेको थियो । स्यालको टोकाइबाट घाइते भएका गुरुङको भरतपुर अस्पतालमा उपचार गरिएको छ ।

यसैगरी, प्रेमनारायण दवाडीको घरमा रहेका तीनवटा गाई र एउटा कुकुरलाई समेत स्यालले टोकेको छ । स्यालले टोकेका पशुचौपायालाई भेटेरेनरी चिकित्सकमार्फत उपचार गरी निगरानीमा राखिएको छ। स्याल गाउँघरमै पसेर मानिस र घरपालुवा चौपायालाई टोक्न थालेपछि स्थानीय डराएका छन् ।