- वि.सं २o८o कार्तिक २४ शुक्रबार
उपप्रधानमन्त्री एवं रक्षामन्त्री पूर्णबहादुर खड्काको आसन्न युएई भ्रमण स्थगित भएको छ । जाजरकोट र रुकुम पश्चिममा ठूलो क्षति पुर्याएको भूकम्पका कारण २७ कात्तिकका लागि तय भएको संयुक्त अरब इमिरेट्स (युएई)कोे भ्रमण खड्काले स्थगित गरेका हुन् ।
दुबईमा आयोजना हुन लागेको १८औँ दुबई एयर–सो, २०२३ मा भाग लिन युएईका युवराज मोहम्मद बिल रसिद अल मकतुमको निमन्त्रणामा बिहीबार उनी युएई जान लागेका थिए । रक्षा मन्त्रालयका प्रवक्ता प्रकाश पौडेलले विज्ञप्तिमा निकालेर उद्धार र राहतमा सक्रिय रहनुपर्ने भएकाले भ्रमण स्थगित गरेको जानकारी दिएका छन् ।
