मंगलबार दाेहाेराे अंकले बढेको सेयर बजार आज १८.६० अंकले घटेको छ। सेयर बजार परिसूचक नेप्से आज बुधबार १८.६० अंकले घटेर २००४.३० बिन्दुमा झरेको छ।

आज सबै समूहको सेयर ओरालो लागेर छ। यसमा पनि सबैभन्दा धेरै शुभम् पावर कम्पनी र लक्ष्मी भ्यालु– २ को सेयर १० प्रतिशतले घटेको छ।

यस दिन ७० लाख ६१ हजार कित्ता सेयर किनबेच हुँदा एक अर्ब ८१ करोड ४३ लाख रुपैयाँबराबरको कारोबार भएको छ। सबैभन्दा धेरै सन नेपाल लाइफ इन्सुरेन्स कम्पनीको सात करोड ६२ लाख रुपैयाँको सेयर किनबेच भएको छ।

समग्रमा बजार राताम्मे हुँदा पनि मनकामना इन्जिरियङ हाइड्रोपावर कम्पनीको सेयर झन्डै १० प्रतिशत तथा एसियन हाइड्रोपावर र मोलुङ हाइड्रोपावर कम्पनीको सेयर झन्डै आठ प्रतिशतले बढेको छ।