पछिल्लो समय गर्दन दुखाइको समस्या बढेको पाइन्छ । गर्दनको दुखाइ यही उमेरमा नै हुन्छ भन्ने छैन । घर वा कार्यालयमा ल्यापटप, मोबाइल, टिभी, कम्प्युटर अत्यधिक चलाउनेहरूमा यो समस्या देखिने गरेको छ । ओछ्यानमा सुतेर किताब पढ्ने, राति सुत्दा दाँत किट्नेजस्ता व्यवहारका कारण पनि मांसपेशीमा समस्या उत्पन्न भएर गर्दन दुख्न सक्छ ।
विशेषगरी, शरीरको पोस्चर नमिल्दा गर्दन दुख्छ । उमेर बढ्दै गएपछि हड्डी खिइँदै गएर गर्दन दुख्ने पनि हुन सक्छ । घाँटीमा विभिन्न कारणले चोटपटक लागेर पनि गर्दन दुख्न सक्छ ।
राति सुत्दा अग्लो सिरानी हुँदा पनि गर्दनको पोजिसन नमिलेर दुख्न सक्छ । घाँटीको स्पाइनल कर्ड इन्जुरी हुँदा पनि गर्दनको दुखाइ हुन्छ । कुमवरपरको भागमा दुखाइ महसुस हुने, टाउको दुख्ने, हात झमझमाउने, हातका मांसपेशी कमजोर हुने, चक्कर आउनेलगायत समस्या देखिन्छन् ।
सामान्य हो भन्ने ठानेर गर्दन दुखाइलाई बेवास्ता गर्नुहुँदैन । समय बित्दै जाँदा अझ बढी असर पर्छ । यसर्थ, औषधि र फिजियोथेरापीमार्फत प्रारम्भिक चरणमै यसको सजिलै उपचार गर्न सकिन्छ ।
बच्ने उपाय
समस्या देखिए के गर्ने ?
सामान्य हो भन्ने ठानेर गर्दन दुखाइलाई बेवास्ता गर्नुहुँदैन । समय बित्दै जाँदा अझ बढी असर पर्छ । यसर्थ, औषधि र फिजियोथेरापीमार्फत प्रारम्भिक चरणमै यसको सजिलै उपचार गर्न सकिन्छ । सहनै नसक्ने गरी गर्दन दुखेमा, दुखाइ बढेर हात र कुमसम्म पुगेमा, हात तथा ढाड झमझमाएमा तथा हातमा कमजोरी महसुस भएमा, दुखाइले ज्वरो आएमा तत्कालै चिकित्सकसँग सल्लाह लिएर उपचार थाल्नुपर्छ । अवस्था हेरेर चिकित्सकले फिजियोथेरापिस्टको निगरानीमा गर्दनको स्ट्रेचिङ एक्सरसाइज गर्ने, सर्भाइकल कोलार लगाउने, मांसपेशीलाई आराम दिने औषधि खाने, नदुख्ने औषधि सेवन गर्ने, सही पोजिसनमा बसेर काम गर्नेलगायत सल्लाह दिन सक्छन् ।