कपाल सफा गर्न बनाइएको तरल पदार्थ स्याम्पुमा कपाललाई आवश्यक पोषक तत्व मिसाइएको हुन्छ । साबनुभन्दा स्याम्पु राम्रो हुनुको कारण हो, यसमा कपालको किसिम र आवश्यकताअनुसार विभिन्न पोषण मिसाइएको हुन्छ । हामीले कपालको स्थिति हेरेर स्याम्पु प्रयोग गर्नुपर्छ । जस्तै, कपालमा कलर गरेको छ भने कलर स्याम्पु, कन्डिसनर हेयर मास्क या ट्रिटमेन्ट प्रयोग गर्नुपर्छ ।
यसैगरी, कपाल स्ट्रेट गरेको छ भने स्याम्पु–कन्डिसनर प्रयोग गर्नुपर्छ । केराटिनका लागि केराटिनमै स्याम्पु–कन्डिसनर प्रयोग गर्नुपर्छ । कपाल ड्राई या फ्रिजी या चाया परेको छ भने त्यसैअनुसार स्याम्पु र कन्डिसनर प्रयोग गर्नुपर्छ । स्याम्पु प्रयोग गर्दा जहिल्यै पनि सल्फर फ्री लेबल कम भएको स्याम्पु प्रयोग गर्नुपर्छ । विज्ञको सल्लाहअनुसार राम्रा स्याम्पु छनोट गरेर प्रयोग गर्नु राम्रो हुन्छ ।
कन्डिसनरको काम : कपाल खस्रो र सुक्खा हुन नदिने काम कन्डिसनरले गर्छ । खस्रो कपाललाई चिल्लो र नरम पार्छ । कपालमा स्याम्पु गरिसकेपछि कन्डिसनरको प्रयोग गरिन्छ । कन्डिसनर कपालमा पोलिस लगाएजस्तो हो । हाँगा आउने, टुक्रिने समस्या रोक्नका लागि यसको महत्वपूर्ण भूमिका हुन्छ ।
कन्डिसनरमा विभिन्न केमिकल प्रयोग हुने भएकाले कपालको जराभन्दा केही माथिबाट मात्रै यसलाई लगाउनुपर्छ । लगाइसकेपछि निख्रिने गरी मज्जाले पखाल्नुपर्छ । यसो नगरे नकारात्मक असर गर्छ ।