- वि.सं २o८o जेठ २२ सोमबार
सदनको अवरोध खुलाउन सभामुख देवराज घिमिरे सक्रिय भएका छन् । उनले केहीबेरमा संसद् भवन बानेश्वरमा प्रमुख राजनीतिक पार्टीका सचेतकहरूसँग छलफल गर्दै छन् । त्यस्तै, प्रधानमन्त्री पुष्पकमल दाहाल प्रचण्डले संसद् बैठकको सुरुवातमै प्रस्टीकरण राख्ने तयारी छ ।
मन्त्रिपरिषद्को सिफारिसमा नागरिकता विधेयक प्रमाणीकरण र प्रधानमन्त्री पुष्पकमल दाहाल प्रचण्डले भारत भ्रमणका क्रममा सीमा समस्या हल गर्ने विषयमा दिएको अभिव्यक्तिको विरोधमा विपक्षी दलहरूले संसद् अवरुद्ध गरेका थिए । यी मुद्दामा प्रधानमन्त्रीले सदनमा जवाफ नदिएसम्म सदन चल्न नदिने उनीहरूको अडान छ ।
