- वि.सं २०८० असोज १३ शनिबार
नेपाली कांग्रेसका प्रवक्ता एवं अर्थमन्त्री प्रकाशशरण महतले पार्टीको विशेष महाधिवेशनको सम्भावना नरहेको बताएका छन् ।
मंगलबार हनुमानथानमा आयोजित पत्रकार सम्मेलनमा उनले विशेष महाधिवेशनको गुन्जायस नभएको बताएका हुन्। महामन्त्रीद्वयले विशेष महाधिवेशनको माग गर्दै प्रदेश भेला गरिरहेका भन्ने सञ्चारकर्मीको जिज्ञासामा महतले पदाधिकारी बैठकमा यो विषय नउठेको बताए।
‘पदाधिकारी बैठकमा उहाँहरूले यो विषय उठाउनुभएको छैन। बाहिर यस्तो कुरा कसरी आउँछ म अचम्ममा छु,’ उनले भने, ‘विशेष महाधिवेशनको कुनै गुन्जायस छैन। नीति अधिवेशन हुँदै छ। महासमितिभन्दा ठूलो हुन्छ।’
