- वि.सं २o८१ बैशाख २४ सोमबार
एसिसी प्रिमियर कपको फाइनल खेल ९ बजेबाट सुरु हुने भएको छ । सोमबार वर्षाले खेल आधामै रोकिएपछि बाँकी खेल अहिले ९ बजेबाट सुरु हुन लागेको हो ।
घरेलु टोली नेपाल र युएईले सोमबार त्रिभुवन अन्तर्राष्ट्रिय क्रिकेट मैदानमा उपाधिका लागि प्रतिस्पर्धा गरेका थिए । तर, पहिलो ब्याटिङको क्रममा इनिङ्सको २७.३ ओभरपछि खेल रोकियो ।
वर्षाका कारण खेल अगाडि बढाउन नसकिएपछि फिल्ड अम्पायर विनोद बाबु र राहत अलीले दिउँसो ३ बजेपछि नेपाल र युएईबीचको फाइनल खेल रिजर्भ डेमा गर्ने निर्णय गरे । खेल रोकिँदा टस हारी पहिलो ब्याटिङ गरेको युएईले आज १०६–९ को स्थितिबाट बिहान ९ बजे खेल सुरु गर्नेछ ।
खेल सुरु हुनुभन्दा पहिले नेपाल र युएई टिमका कप्तानले ट्रफीसँग तस्बिर खिचाएका छन् ।
