मुख्य समाचारफ्रन्ट पेजसमाचारदृष्टिकोणअर्थअन्तर्वार्ताखेलकुदविश्वफिचरप्रदेशपालिका अपडेट
  • वि.सं २०८१ बैशाख १ शनिबार
  • Saturday, 13 April, 2024
नयाँ पत्रिका काठमाडौं
२०७९ चैत १० शुक्रबार २०:३३:००
Read Time : < 1 मिनेट
विश्व डिजिटल संस्करण

राहुल गान्धीको सांसद पद खारेज, भारतको आवाज बन्न लडिरहने राहुलको प्रतिक्रिया

Read Time : < 1 मिनेट
नयाँ पत्रिका, काठमाडौं
२०७९ चैत १० शुक्रबार २०:३३:००

भारतीय राष्ट्रिय कंग्रेसका पूर्वअध्यक्ष राहुल गान्धीको सांसद पद खारेज भएको छ । 

सुरतको एक अदालतले चार वर्ष पुरानो मानहानीको मुद्दामा दुई वर्ष जेल सजायको फैसला सुनाएपछि भारतीय लोकसभा सचिवालयले राहुलको सदस्य पद खारेज गरेको हो । 

अदालतले हिजो त्यस्तो फैसला सुनाएको थियो । त्यसको भालिपल्ट आज लोकसभा सचिवालयले एक विज्ञप्ति जारी गर्दै राहुल गान्धीको लोकसभा सदस्य खारेज गरिएको जनाएको हो । 

यसैबीच, राहलले आफू भारतको आवाजका लागि लडिरहेको बताएका छन् । आज केहीबेरअघि सामाजिक सञ्जालमार्फत उनले भारतको आवाजका लागि लडिरहेको बताएका हुन् । उनले त्यसका लागि जुनसुकै मूल्य चुकाउन पनि तयार रहेको बताएका छन् । 

यता, राहुलको सांसद पद खारेज भएको विरोधमा भारतका विभिन्न स्थानमा कंग्रेस कार्यकर्ताले विरोध प्रदर्शन गरिरहेका छन् । आम आदमी पार्टीका अध्यक्ष तथा दिल्लीका मुख्यमन्त्री अरविन्द केजरीवालले समेत अदालतको सो फैसला र सांसद पद खारेज गर्ने लोकसभा सचिवालयको निर्णयको विरोध जनाएका छन् ।