- वि.सं २o८१ बैशाख २४ सोमबार
यो निर्वाचनबाट राष्ट्रिय राजनीतिमा तीनवटा नयाँ शक्ति उदाएका छन् । चुनाव हुनुभन्दा झन्डै पाँच महिनाअघि निर्वाचन आयोगमा दर्ता भएको राष्ट्रिय स्वतन्त्र पार्टी संसद्मा बलियो शक्तिका रूपमा देखिने भएको छ ।
शनिबार साँझसम्मको मतगणनाअनुसार उसले प्रत्यक्षतर्फ सात सिट जितिसकेको छ, एउटामा अग्रता लिइरहेको छ । समानुपातिकबाट १५ सिट ल्याउने आकलन गरिएको छ ।
त्यस्तै, पश्चिम तराईमा नागरिक उन्मुक्ति पार्टी उदाएको छ । कैलालीमा मात्रै तीन सिट जितेको छ । बर्दिया २ बाट जितेका स्वतन्त्र उम्मेदवारलाई पनि नागरिक उन्मुक्तिको समर्थन थियो ।
मधेसमा सिके राउत नेतृत्वको जनमत पार्टीले पनि एक सिट जितेको छ । स्वतन्त्र पार्टीले प्रदेशमा उम्मेदवारी नदिए पनि जनमत र नागरिक उन्मुक्तिको राम्रो उपस्थिति देखिएको छ ।
