रौतहटका दुई बुथमा दुई पक्षबीच विवाद, हवाई फायरपछि मतदान अघि बढ्यो

Read Time : < 1 मिनेट

अशोक पहाडी, रौतहट

नयाँ पत्रिका

२o८१ बैशाख २६ बुधबार o९:५५:oo

रौतहटका दुई स्थानमा मतदान चलिरहेका वेला बुथमा दुई पक्षबीच भएको विवाद बढ्दै गएपछि स्थितिलाई नियन्त्रणमा लिन प्रहरीले तीन राउन्ड हवाई फायर गरेको छ ।

गुजरा– ४ र गरुडा बजारमा प्रहरीले हवाइ फायर गरेर स्थितिलाई नियन्त्रणमा लिएको हो ।

जिल्ला प्रहरी कार्यलय रौतहटले जुगरा– ४ स्थित कनकपुर बुथमा दुई पक्षबीच विवाद बढ्दै गएपछि एक राउन्ड हवाई फायर गरेर स्थितिलाई नियन्त्रणमा लिई मतदान अघि बढाइएको जानकारी दिएको छ ।

गरुडा नगरपालिकाको गरुडा बजारमा पनि प्रहरीले दुई राउन्ड हवाई फायर गरेको छ । मतदानस्थलमा खटिएका सुरक्षाकर्मीलाई निर्वाचन संवेदनशीलतालाई ध्यान दिँदै गोली चलाउने अधिकार दिइएको छ ।

#हवाइ फायर # बुथमा दुई पक्षबीच विवाद