प्रदीप गिरिको सम्झनामा शाश्वतधाममा विशेष पूजा

कांग्रेस नेता प्रदीप गिरिको सम्झनामा सिजी शाश्वतधामस्थित एकाम्बरेश्वर महादेव मन्दिरमा विशेष पूजा आयोजना गरिएको छ। शनिबार निधन भएका कांग्रेस नेता एवं प्रतिनिधिसभा सदस्य गिरिको मुक्ति र वैकुण्ठवासको कामनासहित श्रीमदभागवतगीता पाठ र श्रद्धाञ्जली अर्पण गरिएको हो।

४६ ब्राह्मण सहभागी विशेष पूजामा कांग्रेसका केन्द्रीय सदस्य एवं प्रतिनिधिसभा सदस्य विनोद चौधरी पनि सहभागी थिए। चौधरी स्वर्गीय नेता गिरिका निकट मित्र हुन्।