राष्ट्रिय टिमबाट निकालिएका फुटबल खेलाडीलाई अखिल नेपाल फुटबल संघ (एन्फा)ले फिर्ता बोलाउने भएको छ ।
एन्फाको नवनिर्वाचित कार्यसमितिको पहिलो बैठकले निकालिएका सबै खेलाडीलाई स–सम्मान आगामी प्रशिक्षणमा बोलाउने निर्णय गरेको हो । बैठकपछि नवनिर्वाचित अध्यक्ष पंकजविक्रम नेम्वाङले खेलाडीहरूलाई स–सम्मान प्रशिक्षणमा बोलाउने निर्णय भएको जानकारी दिए ।
बैठकले राष्ट्रिय टिमका प्रशिक्षकको विषयमा छानबिन समितिको प्रतिवेदन र कतार फुटबल एसोसिएसनसँग आवश्यक छलफल गरेपछि निर्णय लिने निर्णय पनि गरेको छ ।
See More On
