किसानलाई मलको व्यवस्था गर्न सरकारले नचाहेको एमाले सचिव भट्टराईको आरोप

प्रमुख प्रतिपक्ष दल एमालेका सचिव एवं पूर्वमन्त्री योगेशकुमार भट्टराईले सरकारले किसानलाई मलको व्यवस्था गर्न नचाहेको आरोप लगाएका छन् । बाली लगाउने वेलामा पनि सरकारले मलको नभई ‘माल’को खोजी गरिरहेको उनको आरोप छ । बुधबार प्रतिनिधिसभा बैठकमा विनियोजन विधेयकमाथिको छलफलमा बोल्दै उनले  ‘माल’ नआई सरकारले मल नल्याउने जिकिरसमेत गरे । 

‘यो सरकारले मल ल्याउन खोजेको छैन । मलमा माल खोजिरहेको छ । जबसम्म माल आउँदैन, तबसम्म मल आउनेवाला छैन ।  हामीले मल खोजको हो, मालको पछाडि लाग्न खोजेको होइन हामीले,’ सचिव भट्टराईले भने ।  मलको हाहाकार हुँदा पनि सरकार गम्भीर नभएको उनको आरोप छ ।